Orixetik berripaperaren 7. alea kalean da

Aldizkaria osorik ikusteko egin klik hemen

2009/10 ikasturteko informazio orokorra (etxetara bidalitako liburuska)

Kurtso hasieran banatutako liburuskaren kopia topatuko duzu hemen Liburuxka osatua 09-00 (irekitzeko klik egin estekaren gainean, zure ordenagailura jaisteko kxaguaren eskuineko botoiarekin klik egin eta hautatu “guardar destino como”)

AURKIBIDEA/ Indice:

1.  HELBIDEAK ETA ZUZENDARITZA/ Direcciones  y Equipo directivo 
2.  ORGANU GORENEKO KIDEAK/ Miembros del OMR 
3.  IRAKASLEAK/ Equipo de profesores 
4.  ORDUTEGIA/ Horario 
5.  EGUTEGIA/ Calendario escolar
6.  ZERBITZUAK/ Servicios:
   1.  JANGELA/ Comedor
   2. ZAINTZA ZERBITZUA ZULOAGAN/ Servicio de guardería en Zuloaga 
7. ORDUZ KANPO/ Fuera del horario lectivo
   1.  JAIALDI ETA EKINTZA BEREZIAK/ Fiestas y actividades especiales fuera del horario lectivo
   2. EKINTZA ESTRAESKOLARRAK/ Actividades extraescolares
   3. KIROLAK/ Deportes
8.  BARNE ANTOLAKETA/ Organización interna
9.  KUOTAK/ Cuotas

Ane Irurzun andereñoak erretiroa hartu du

Kurtso bukaeran erretiroa hartuko du. Ane Irurzun andereñoak. Ikasleek agurrean kantatu zioten bertsoa duzue hau. Ikasle, irakasle eta gurasoek eskerrak eman nahi dizkiogu ikastola eraikitzen egindako lan handiagatik

Aspaldian etorri

zinen Orixera

gurekin jolastera

eta laguntzera.

Orain hemendik zoaz

bilobak zaintzera

Orixe utzi eta

ondo pasatzera.

(Doinua:  Maritxu nora zoaz)

IKASTOLA ETA JOLASLEKUAK

Orixe ikastolak duen jolasleku eskasia aspaldiko kontua da. Kanpanario eraikinetik Aldamar kaleko eraikinera aldatzeak onura nabariak ekarri baditu ere ez du jolaslekuen arazoa konpondu. Egun, estali gabeko bi patio txiki dira gure haurrek eraikin horretan jolasteko duten eremua. Aurtengo negu gorriak gainera agerian utzi du lehendik bagenekiena, estalkirik ezean egun askotan umeek jolas garaia eraikin barruan igaro behar dutela.

Urgulleko eraikineko jolaslekuak ere nahikoa juxtuak dira eta eskolak daraman matrikulazio gorakada ikusita gero eta nabarmenagoa da arazoa. Urgulleko eraikinak badu beste arazo bat gainera. Ibilgailuak ezin dira bertara iritsi eta larrialdi batean horrek itzuli ezinezko ondorioak ekar ditzake. Horretaz gain bertara igo ahal izateko oinezko pasadizoetatik bat itxi izanak eta bestea aldamioz inguratzeak pasabidea egoera desegokian utzi du.

Aldamar kaleko jolaslekua estaltzea dela eta zuzendaritzak aspaldi eskaera egin zuen Udaletxeko Hezkuntza sailera. Hasiera batean arazo tekniko soila zena (nola lortu estalkia lotzea etab.) orain badirudi zerbait gehiago dela, eraikina ondare katalogoan dagoela adierazi baitzaigu. Egoera honetan eta aurreko guztia aipatuta, organu gorenak zera erabaki zuen: iraunkorrak gutun bat idaztea Donostiako alkate jaunari eta  Hezkuntza Sailburuari goian esandako guztia aipatzea eta soluzioak eskatzea. Espero dezagun arazo guzti hauek lehenbailehen konponbidean jartzea

KURTSO AMAIERAN JAIALDI ETA FESTA UGARI

Ikasturte bukaerarekin batera hainbat ekitaldi izan dira eta horien guztien berri laburra ekarri nahi genuke hona.

BERTSO SAIOA ANTZOKI ZAHARREAN

Ikasturte guztia Aitor Mendiluze bertsolarekin eta ikastolako andereñoekin bertso doinu eta teknikak ikasten igaro ondoren, lan horren emaitzak guraso eta senideei erakusteko, bertso saio atsegina eskaini zuten Orixeko 5. mailako neska-mutilek. Saioa Antzoki Zaharrean izan zen maiatzaren 25ean. Guztira 200 haur inguru igo ziren oholtza gainera: Orixe, La Salle, Mariaren Bihotza eta Santo Tomas ikastetxeetako bertsolariak.

Binaka-binaka oholtza gainera atera eta eskolan prestatutako bertso eta koplak kantatu zituzten entzuleen txalo artean.

DANTZA, PANDERO ETA KANTU EMANALDIA

Ikasturte bukaeran Orixeko jaiarekin batera egin izan den dantza, pandero eta kantu emanaldia  jaialdiaren aurreko ostegunean, ekainak 4, izan dugu aurten. Eguna ez ezik, lekua ere berezia izan da aurtengoan: udaletxeko pleno aretoa lepo bete zen arratsaldeko 6etako hitzordurako.

Egun horretan Lehen Hezkuntzako mailetan eskolaz kanpo dantzara, panderora eta kantu tailerrera joaten diren ikasleek ikasturtean zehar ikasitakoa agertu zuten bertaratutako guztien gozagarri. Txikienetatik hasi eta handienetara, dantza, pandero saioak eta kantu emanaldiak tartekatuz, ia bi orduko saio ederra eskaini zuten haurrek arduradunen eta andereñoen laguntzari esker. Arratsalde atsegina igaro zuten bai haurrek eta bai ikustera bertaratu ziren guztiek.

IKASTURTE BUKAERAKO JAIA

Urtero bezala, ekainaren lehengo larunbatean ospatu genuen aurten ere Orixe Ikastola osatzen dugun guztion jaia. Larunbat goiza giro tristearekin esnatu bazen ere, orduek aurrera egin ahala giroa berotuz joan zen eta euriak jaia errespetatu zuen. Goizeko 9,30etan hasi zen jaia handienen lasterketarekin. Alde Zaharrean zehar egindako korrika saioarekin berotu ondoren, hokey eta futbol partiduak jokatu zituzten Trinitate plazan. Bien bitartean gaztelu puzgarrietan saltoka ibili ziren txikienak Zuloaga plazan. 11etan iritsi zen txikienen lasterketaren ordua eta jarraian txokolate beroa.

Indarberritu ondoren kirolak izan ziren berriz ere nagusi Trinitate plazako gunean: herri kirolak, pilota eta guraso eta monitoreen arteko futbol partidua. Zuloaga plazan, berriz, aurpegiak margotzen eta  puzgarrietan saltoka jarraitu zuten.

Ordu bata aldera atera ziren buruhandi eta erraldoiak dultzaineroekin kalez-kale.

Ordu bi t’erdietatik aurrera Urgulleko patioan giro ederrean bazkaldu genuen guraso, irakasle, eta haurrek. Arratsaldean Trinitate plazako erromeriak eman zion amaiera jaiari.

ESKOLA KIROLA Orixe ikastolan. KIROL KOORDINATZAILEArekin HIZKETAN

Orixe ikastolako ikasleek, arratsaldez, eskola orduak amaitutakoan eskola kiroleko jardueretan aritzeko aukera dute. Asko dira 7 urtetik aurrera horretan diharduten neska mutilak. Jarduera honen nondik norako nagusiak hobeto ezagutzeko Egoitz Ugartemendiarengana jo dugu, Orixeko kirol-koordinatzailea.

• Egia al da Orixe ikastolako ume askok eskola kiroleko jardueretan parte hartzen duela?

Egia esan parte hartzea altua da, %70a 2.mailatik hasi eta 6.mailararteko neska mutilen artean, hala ere hemendikan eskola kirolean parte hartzen ez dezuten guztiak animatu nahi zaituztet hurrengo urteari begira.

• 2008-2009 ikasturtean denera 30 taldetik gora eduki ditugu ikasturtean zehar txapelketa ezberdinetan.
• Ikastolatik kanpo judoa, atletismoa, igeriketa… egiten duten ikasleak ere baditugu.
• Bukatzen ari den ikasturte honetan nolako jarduerak egin dituzte? Adinaren arabera aldatzen dira, ezta?

Ahalik eta kirol gehien pobratu eta egitea gustatzen zaigu adin honetan oso interesgarria iruditzen zaigulako.

• 2. mailako ikasleekin hasten gara eta hauek astean saio bat izaten dute ostiraletan eta gehien bat jokoetan oinarritzen ditugu saioak. Azken hiruhilabetean berriz kirol ezberdinak lantzen ditugu (futbola, saskibaloia, hockey-a, atletismoa…)
• 3. mailatik aurrera astean bi saio izaten dituzte eta larunbat goizetan berriz partiduak.
• Benjaminetan (3. eta 4. maila) kirol ugari egiten dituzte (futbola, saskibaloia, atletismoa, rugby-a, igeriketa eta hockey-a). Benjaminetan gainera talde mixtoak egiten ditugu eta hiruhilabetero aurrez aipaturiko kirolen bat burutzen dute.
• Alebinetan (5. eta 6. maila) berriz, neskak eta mutilak banandu egiten ditugu eta aurten adibidez neskek hockey-a eta futbola egin dute. Mutilek aldiz, futbola (hondartzan) eta saskibaloia urte osoan zehar.

• Honetaz aparte ostiral arratsaldetan trinitate plazan pilota eskola daukagu 2 txandetan banatuta lehenengo benjaminentzat eta ondoren alebinentzat. Alebinak gainera larunbat arratsaldetan partiduak jokatzen dituzte.

• . Asteroko jarduerak ez ezik, urtean hiru bat aldiz –igandez– egun osoko irteerak ere egiten dituzue, ezta?

Bai hala da, hiruhilabetero jarduera bereziak antolatzen ditugu.

• Lehenengo hiruhilabetean mendi irteera bat antolatzen da eta bertan ikastola osoko haur eta gurasoak hartu dezakete parte.
• Bigarren hiruhilabetean berriz, 5. eta 6. mailako ikasleentzat ski irteera bat antolatzen degu Somportera (Candanchu ondoan) fondoko skia egitera. Ski irteera hau gainera bi egunetakoa izan ohi da, gau bat Jacan edo inguruko albergueren batean pasatzen dugu. Eskiatzeaz aparte elurraz gozatzeko aukera paregabea izaten dugu.
• Azken hiruhilabetean Narbartera (Nafarroa) joaten gara eta bertan abentura jarduera ezberdinak egiten ditugu. Aurten goizean Canoraft (piraguismo antzekoa) eta arratsaldean zuhaitzez zuhaitz soka eta oztopo ezberdinez osatutako zirkuituak eginez pasa genuen eguna.

• Irteera hauetan gainera urtean zehar kiroletan parte hartzen ez duten ikasleak ere parte hartzeko aukera izaten dute.

• Eta datorren ikasturteari begira nolako eskaintza aurreikusten duzue?

Urteroko eskaintza nahiko zabala izaten da eta hurrengo urterako berritasun bat sartu nahian gabiltza. Kirol Patronatua eta beste zenbait ikastolarekin benjaminetan 3. hiruhilabetean eskubaloia egiteko aukera aztertzen ari gara. Lehenengo 2 hiruhilabetetan futbola eta saskibaloia egingo genituzke eta hirugarrenean berriz lehen aipatutako kirolez aparte eskubaloia sartzen saitu nahiko genuke. Alebinetan berriz ikasleen esku uzten dugu aukeraketa eta normalean mutiletan futbola eta saskibaloia aukeratzen dute eta neskek berriz hockey-a eta futbola.

• Gurasoek hobeto ezagutu ditzaten, zeintzuk dira eskola kirola jardueraren helburu nagusiak?

Helburu nagusienak kirola eginez ondo pasatzea, hezitzea eta kirol ezberdinak ezagutzea da.

• Argi utzi nahi dut gure helburua ez dela goi-mailako kirolariak lortzea baizik eta kirolaren bitartez zuen seme-alabak hezitzea.
• Baina badira beste helburu batzuk ere:
• Norberaren gorputza ezagutzea, bakoitza bere gaitasun eta oztopoekin.
• Aurkari, epaile, entrenatzaile, taldekide eta norbere burua errespetatzea.
• Higiene eta osasun ohiturak hartzea.
• Talde lana bultzatzea (indibidualtasuna baztertuz).
• Jarduera horiek gidatzen zenbat kirol-hezitzaile zabiltzate?

Denera aurten 13 monitore aritu gara aurrez aipatu ditugun jarduera guztiak aurrera eramateko. Normalean kirola gustatzen eta kirol munduan murgilduta dagoen jendea izan ohi da. Gainera saiatzen gara kirolaren inguruko ikasketak (TAFYD, kirol magisteritza, IVEF) eginak edukitzea edo ikasketak burutzen aritzea, hala ere onartu beharra dago oso zaila izaten dela perfil honetako hainbeste jende aurkitzea. Azken urteotan ikastolako ikasle ohiei monitore izateko aukera ematen ari gara gainera.

2008-2009 ikasturteko monitoreak hauek dira:

• Prebenjaminekin (2.maila) Iker Duran eta ni aritu gara.
• Benjaminekin (3. eta 4.maila) Iker Duran, Koldo Barandiaran, Jon Gonzalez, Martin Aranegi, Imanol Mendizabal, Alex Cilveti, Ainhoa Garin, Paula Kalzakorta, Lander Arretxea, Mikel Rubio.
• Alebin mutilekin Iker Duran eta Xabier Agirre eta Alebin neskekin Imanol Mendizabal.
• Pelotako entrenatzailea berriz Iñaki Fernandez izan da.

5. eta 6. mailako nesken futbol taldeak hondartzako txapelketako finala jokatu zuen. Zorrionak!

6. MAILAKO IKASLEEK ORIXERI AGUR. HEMEN HAIEN GOGOETA

Orixe ikastolan,  gure bizitzan betiko gordeko ditugun momentuak igaro ditugu, bai onak eta bai txarrak. Pare bat urte beranduago, ikastola honetan bizitutakoa gogoratzen dugunean, denok batera elkarrekin igarotako uneak etorriko zaizkigu burura.

Jendeak, bere gusturako Orixe txikiegia dela pentsa dezake, baina ez al da hori ikasleen artean lortutako laguntasunaren arrazoi? Denok elkarrekin egin diegu aurre arazoei eta arazo horiek, apurka-apurka gure arteko harremana sendotu dute. Hori, hein batean, ikasturte hauetan gure irakasleak izan direnei zor diegu, beraien laguntza paregabea izan baita.

Hala ere azpimarratu nahiko genuke, oraindik ikasturteko momentu magikoena falta zaigula, “Play back”-a. Gogor aritu gara egun horretarako entsaiatzen eta orain, eguna iristear dagoela,  pena sentitzen dugu gure ikastola izandako honetan, egingo dugun azkeneko saioa delako, baina dena ondo irtengo dela pentsatzen dugu. Beraz, elkarrekin igaroko ditugun azkeneko egun hauek ongi aprobetxatu behar ditugu!

Dena den, ez dugu ahaztu behar aurtengo tutoreak dioten bezala, nahiz eta hurrengo urtean ikastolaz aldatu, lagunak betiko direla, berdin dela urrun edo hurbil egon, triste edo pozik, lagunak beti hor dauzkagula.

TELEBISTA, INTERNET eta BIDEOJOKOAK erabiltzeko HEZKUNTZA-IRIZPIDEAK

“PANTAILAK” ETXEAN ERABILTZEKO HEZKUNTZA-IRIZPIDEAK

• Ahal bada, jarri etxeko pantaila berriak ikasteko lekutik kanpo.
• Adostu neska-mutilarekin erabiltzeko ordutegia.
• Gainbegiratu zein edukitara sartzen diren.
• Hobe sustatzea eduki egokiekiko kontaktua, desegokiak debekatzea baino.
• Gogoratu neska-mutilek hobeto bereganatuko dituztela arauak, baldin eta ulertzen badituzte eta haiekin adosten badira.
• Sustatu aisialdirako beste aukera batzuk: kirola, irakurketa, lagunak…
• Sustatu irakurketa haurrei txiki-txikitatik ipuinak kontatuz eta irakurriz.

TELEBISTA ERABILTZEKO HEZKUNTZA IRIZPIDEAK

• Garrantzitsua da telebista familiartean ikustea, horrela, honako helburu hauek betetzen baitira:
  • Haurrek errealitatea eta fantasia bereiztea lortzea.
  • Ezinezko itxaropenak garatzea galaraztea.
  • Ezagutzen ez dena ulertzen laguntzea.
• Gurasoek ez dute seme-alabak aurrean daudela ikusi behar, beroriek ikustea nahi ez dutena. Gurasoek pantailan azaltzen denarekiko kritika-gaitasuna sustatu behar dute.
• Ahaleginak egin telebista haurrentzako programak eta saio hezigarriak ikusteko baino izan ez dadin.
• Galarazi eduki trauskilezko saioak: tele-errealitatea eta “hizkimizkiak”, besteak beste.
• Ez eduki TB piztuta jatorduetan.

INTERNET ETA ORDENAGAILUAK ERABILTZEKO HEZKUNTZA IRIZPIDEAK

Informazioa bilatzeko tresna gisako

• erabilera sustatzea.
• Erakutsi haurrei behar bezala erabiltzen, bai alderdi teknikoei zein jarrerazkoei dagokienez: pantailarainoko tartea, argiztapena, iragazkien erabilera, etab.
• Erabili eduki desegokietarako iragazkiak haur txikiekin.
• Nabigatu elkarrekin eta berba egin kontsultatutako edukiez.
• Erakutsi ordenagailua lan-tresna gisa erabiltzen: informazioa antolatzea, komunikatzea, etab.

BIDEOJOKOAK ERABILTZEKO HEZKUNTZA IRIZPIDEAK

• Kontrolatu bideojokoen edukia.
• Ez utzi edonolako indarkeria erabiltzen dituztenez baliatzen.
• Sustatu jokalari batentzako baino gehiagorentzako (beste haur batzuekin jolas daitezen) bideojokoen erabilera.
• Sustatu bideojoko sortzaile eta hezigarrien erabilera.
• Jolastu seme-alabekin.
• Eragotzi jolasteko ordutegia gurasoen interesen arabera luzatzea.
• Egin jolasteko denbora-tarteen plangintza, hala nola, oporretan, bideojokorik gabeko tarteak…

Gai honen inguruko informazio gehiago:

• FAMILIAN HEZI PROIEKTUA, Bilboko udala: Familia eta pantaila berriak: internet, bideo-kontsolen erabilera, etab. http://www.bilbao.net/nuevobilbao/jsp/bilbao/pwegb010.jsp?idioma=e&color=bneg&ficha=7330753727337&textarea=2EI&subtema=10&padresub=2EI&tema=2E1&padre=*E1
• Familia, telebista eta Internet etsaia gure artean? pantailak modu kritiko eta seguruan erabiltzeko jarraibideak http://www.ehige.org/familiatelevisioninternet/im/Gurasoentzako%20gida.pdf
• COAN (Consejo Audiovisual de Navarra) haurrek telebistarekin eta gainerako pantailekin harreman ona izateko http://www.consejoaudiovisualdenavarra.es/menor/documents/Guia_euskera.pdf

“Familian hezi” proiektuaren web gunean aurkitu daitezkeen dokumentu gehiago: http://www.bilbao.net/nuevobilbao/jsp/bilbao/pwegb010.jsp?idioma=e&color=bneg&padre=*E1&tema=*E1&padresub=RE1&subtema=10&textarea=RE1

Besteak beste…

• Familientzako heziketa baliabideak
• Hezkuntza demokratikoa nerabezaroan (Pdf formatuan - 172 KB)
• Bakerako Heziketa neba-arreben arteko gatazkak konponduz (Pdf formatuan - 437 KB)
• Seme-alaben arrakasta akademikoa sustatzeko giltzarriak (Pdf formatuan - 143 KB)
• Jolasa eta hezkuntza (Pdf formatuan - 597 KB)
• Familia eta jolasa (Pdf formatuan - 316 KB)
• 2-5 urteko haurrak hazteko giltzarriak (Pdf formatuan - 364 KB)
• Hezkuntza demokratikoa (Pdf formatuan - 59 KB)
• 0-3 urte: Haurrak Eskolan hastea errazteko hezkuntza-irizpideak (Pdf formatuan - 211 KB)
• Atxikimendua eta haurraren burmuin-garapena sustatzea (Pdf formatuan - 431 KB)
• Drogei eta ondoriozko arriskuei buruzko informazioa (Pdf formatuan - 94 KB)
• “Familia eta Supergaitasuna” (Pdf formatuan - 316 KB)
• Ondo aurre egiten diegu neba-arreben arteko gatazkei (Pdf formatuan - 207 KB)
• Familia eta garapenean nahasteak dituzten seme-alabak (Pdf formatuan - 100 KB)
• Hezkuntza zentro eta familiaren arteko harremanaren oinarrizko irizpideak (Pdf formatuan – 194 KB)
• Familiartekoekin harremanak (Pdf formatuan - 2,12 MB)
• Bestearen lekuan jartzea (Pdf formatuan - 708 KB)

NOLA LORTU AUTORITATE POSITIBOA

Iturria:  gurasoena.org, Eskola eta Familia atala  http://gurasoena.org/documentoTemas/08FUSEPMA160920081003460940.pdf

Autoritatea izatea, eta ez autoritarismoa, oinarrizkoa da gure haurraren heziketarako. Muga eta helburu argiak ipini behar ditugu, zer dagoen ongi eta zer gaizki bereizi ahal izan dezan, baina gurasoen akatsik ohikoenetakoa gehiegizko tolerantzia da. Eta orduan arazoak hasten dira. Oreka batera iritsi behar da: nola lortu hori, autoritatea izateko?

Autoritatea gorantz doan balio bat da, eta guraso arduratsuek saiatu behar dute hori lortzen. Seme- alabekin ditugun jarduera zehatzen arabera lortzen edo galtzen da.

Hauek dira, sarritan, gurasoen autoritatea ahultzen eta indargabetzen duten akats nagusiak:

• Permisibitatea
• Ezetz esan ondoren amore ematea
• Autoritarismoa
• Koherentzi falta
• Garrasi egitea
• Gure onetik ateratzea
• Promesak edo mehatxuak ez betetzea
• Ez negoziatzea
• Ez entzutea
• Berehalako lorpenak exijitzea

Seme-alaben aurrean prestigioa eta autoritate positiboa izaten laguntzen duten jarduera zehatz eta positiboak:

• Hezten dugunean zer helburu lortzea nahi dugun argi edukitzea.
• Gauza zehatzak argi erakustea.
• Ikasteko denbora ematea.
• Saiakerak eta hobetzeko ahaleginak beti baloratzea, ongi egindakoa nabarmenduz eta gaizki egindakoa albo batera utziz.
• Etsenplua ematea, indar morala eta prestigioa edukitzeko.
• Gure semearengan/alabarengan konfiantza izatea.
• Ekitea, eta diskurtsoetatik aldentzea.
• Norbere akatsak onartzea.

Eta oso garrantzitsua da kontuan hartzea teknika horiek benetan eraginkorrak izan daitezen bi faktore direla ezinbesteko: maitasuna eta zentzu komuna. Horiek izan ezean, ez dago ezer lortzerik.

Eskubide guztiak erreserbatuta. Lan hau banatu, berbidali kopiatu epa aipatu dezakezu, baldin
eta ez baduzu aldatzen edota merkataritza-helburuekin baliatzen.
Erabiliz gero ohar hau jarri behar duzu eta aipatu egilea (Agintzari S. Coop. de Iniciativa 
Social), haren helbide elektronikoa gurasoena@gurasoena.org eta web tokia www.gurasoena.org.
Todos los derechos reservados. Este documento puede ser redistribuido, reenviado, copiado o
citado, siempre que no sea modificado o utilizado con fines comerciales.
Incluye esta nota, así como la referencia a Agintzari S. Coop. de Iniciativa Social,
junto con el correo electrónico: gurasoena@gurasoena.org y la dirección www.gurasoena.org.

Eskola Familiako ataleko artikulu gehiago gurasoena.org-e: Ikasteko ohitura nola sustatu (http://www.gurasoena.org/documentoTemas/08FUSEPM12160920080959000751.pdf)

Orixe Eguna, ekainaren 4an eta 6an. Prestaketetan laguntzeko bilera gaur

Orixe Eguna gure ikastolaren kurtso bukaerako festa hurbiltzen ari da. Aurten bi egunetan egingo da:

• Ekainaren 4an (osteguna) arratsaldeko 18:00ean, Udaletxeko areto nagusian, dantza, pandero eta kantu-tailerrean parte hartu duten ikasleek ekitaldia eskeiniko digute.
• Ekainaren 6an (larunbata) ohi bezala:
  • Goizean: jolasak eta kirol jokuak
  • Eguerdian bazkaria urgulleko patioan
  • Arratsaldean erromeria

Jaiaren antolatzeko mila lan sortzen dira eta oso egokia litzateke lanean arituko den guraso talde bat eratzea. Helburu horrekin gaur (maiatzak 27, asteazkena) bileratxo bat egingo dugu 19:00ean Zuloagako eraikinean. Anima zaitez!